 |
| Foto: Ilustrasi.net |
"Lau mbaru lau manga manuk pake spatu. Le mbaru le, manga bebek reme dere," dere diha kesa Kanis eta lobo haju waek.
"Nana, leng di'an dere dite hitu. Mai ce'e uma ite bo ko?" rei di lopo Linus. Ata cimping tau uma.
"Hae, lopo, mai ce'e kole tite bo ko?"
"Io to'a geong. O, to'a mai doding haju si sili bengkok lite bo. Co'o neng kut siap pentang pitak dise wetam hi Reni," wale di lopo Linus agu nini noakn ngger eta haju kopi ata rembong keta cing de ga.
"Komeng dalon hia Reni hitu. Ai cepisa pentang pitak hitu ga?" rei kole di Kanis.
"Bo-bo beheng kin ta to'a. Wulang Lima lite. Ata siap kid haju lite pe. Boto oke seng kole weli haju data," wale di lopo Linus.
"Bo-bo hitun kole, lopo. Bo kali haju situ sili de meu, konem teme lima ngkali acara," rimba di Kanis. Sosok ce koen hi lopo Nelis.
"Hitu keta bo ge ta to'a geong. Eng ta terus kin dite bo kawe Njieng hitu ge. Aku terus koe la'at ngger sale hiok di," curup de lopo Linus, agu lako wa'i wan. Calak doing sale lupi ngalor kole koing acun ga.
Neho te kole musi. Hia Kanis leso hitu mai la'at uman. Hitu kanang uma mbate ata widang de eman ata poli rowa lima ntaung olo. Bonen uma diha hitu do kopi. Leso hitu, hia mai la'at lelo cing kopi.
Landing le to di manga sembong keta di cing kopi situ, boto kole kanang hia Kanis rongket njieng. Pikirn, remo koe kut naka de anak ge tong eme we'e.
Rapak neho te eta leso ga, hia Kanis pu'ung mas pucu. Kaling kanta darem.
O, we'en. Toe hemong pua agu nggurus, nenggitu kole agu ute saung paku ce gugum liha akod ata todo sili lupi ngalor uman.
Du hitu kut cai sina pa'ang beo, neho te cambun ita liha enu Rosa.
"Njelik, hio ema de hau we'en ga," toi agu anak diha Kanis, ata reme gega agu hae koen.
Denge curup diha enu Rosa, hia Njelik, lego maeng, mburuk kudu eman. Toe rempe-rempe langsung hamar cikang deko de eman hitu. Bae liha manga njieng bonen.
Cai sina mbaru, kekar haju diha Kanis be pe'ang mai ihur dapur.
Toe di masa di'a nomber, landing leng kanta darem, o benta hae kilon. Calak tae diha bone mbaru mese.
Ngasang de hae kilon hitu hia Sia. Benta momang liha Kanis ga Njiak. Nggitu kole hia Kanis, benta momang liha Sia, Nanik.
"Njiak....pandes bo jumik de meu ge, leng darem ho ga," benta diha Kanis latangt hae kilo hitun.
Pisa ngkali benta liha hi Njiak. Toe mang wale. Lelo one lo'ang toe manga. Rei anakn hi Njelik, ata ngai ngangit kin tegi tapa njieng.
"Njelik, ngo nia ende de hau bo?" Rei anakn.
"Ae papa, ina sale mbaru sale hia mama, cebo keta woto-woto," wale de anakn hi Njelik.
Landing leng toe ta'ong darem hia Kanis, o, lelo ke run sina lewing kut kobe hang.
Ide go, cengka nggo'o kaling lewing kanang. Toe keta di manga pu'ung teneng hae kilon hitu.
Nggitu kaut diha Kanis, landing leng cumpeng tambang agu darem, ngo kawe hia Sia sale mbaru sale hitu. Cai hia sale, kaling reme keta serius labar HP hia Dia, Getut balas komen data one FB, landing le poli posting woto sot selwi neho baon agu anak koe molas ngara mbaru hitu.
"Ngong hau pe, Sia. Toe teneng bot labar Hape. Toe bae nggo'o ga, rona ngo duat," jauk diha Kanis.
"Eng ta awon ga," wale diha Njiak agu lako pio paotn.
Nenggitu reme lakon hia Njiak, len meget diha Kanis.
"Iiii.. bom onen kat ceng kalin," agu gamek mu'un teti lime musi mai le'as diha Njiak.
Lelo meget hitu liha anak koe molas ngara mbaru. Mai taen, " ema di Njelik.. eme jago, onen."
"Asi onem hau Nata (ngasang de Anang koe molas hitu),".
"Kong pe, ina kambe cama ine wai gami," wale diha Nata.
"Cama ine wai bingi bangas" wale diha Kanis.
"Bo hau tai, nahe dumpu rona ata sot langu tuak," tambang diha Kanis.
"Mese naim, lelo le hau molas di'a ho'o Kanis ga," wale agu wuncaln hia Nata.
"Ta enu, kebakm. Eme cama neho danong meu, bae le hau awm, kerja de ine wai hitu, NGO WAE, TUK, TENENG. Toe HO'O GA, TOE TENENG TEMO LABAR FACEBOOK," wale diha Kanis, agu noangn kut denge le winan, ata reme diki dakang teneng hang sina dapur.
Penulis: Remigius Nahal.
Dukung Ami, kut nganceng mesen Blog ho'o, one kolom Komentar. Sangged pa'u tombo dise ase ka.e, na'a one nawas lami, cawi one nai.
Nuk repeng pede dise Ende, agu Mbate dise Ame, serong dise Empo.
Eme toe ite, ceing Kole. Eme Toe Ho'o, cepisa Kole.
Kepok.....
Rapak neho te eta leso ga, hia Kanis pu'ung mas pucu. Kaling kanta darem.
O, we'en. Toe hemong pua agu nggurus, nenggitu kole agu ute saung paku ce gugum liha akod ata todo sili lupi ngalor uman.
Du hitu kut cai sina pa'ang beo, neho te cambun ita liha enu Rosa.
"Njelik, hio ema de hau we'en ga," toi agu anak diha Kanis, ata reme gega agu hae koen.
Denge curup diha enu Rosa, hia Njelik, lego maeng, mburuk kudu eman. Toe rempe-rempe langsung hamar cikang deko de eman hitu. Bae liha manga njieng bonen.
Cai sina mbaru, kekar haju diha Kanis be pe'ang mai ihur dapur.
Toe di masa di'a nomber, landing leng kanta darem, o benta hae kilon. Calak tae diha bone mbaru mese.
Ngasang de hae kilon hitu hia Sia. Benta momang liha Kanis ga Njiak. Nggitu kole hia Kanis, benta momang liha Sia, Nanik.
"Njiak....pandes bo jumik de meu ge, leng darem ho ga," benta diha Kanis latangt hae kilo hitun.
Pisa ngkali benta liha hi Njiak. Toe mang wale. Lelo one lo'ang toe manga. Rei anakn hi Njelik, ata ngai ngangit kin tegi tapa njieng.
"Njelik, ngo nia ende de hau bo?" Rei anakn.
"Ae papa, ina sale mbaru sale hia mama, cebo keta woto-woto," wale de anakn hi Njelik.
Landing leng toe ta'ong darem hia Kanis, o, lelo ke run sina lewing kut kobe hang.
Ide go, cengka nggo'o kaling lewing kanang. Toe keta di manga pu'ung teneng hae kilon hitu.
Nggitu kaut diha Kanis, landing leng cumpeng tambang agu darem, ngo kawe hia Sia sale mbaru sale hitu. Cai hia sale, kaling reme keta serius labar HP hia Dia, Getut balas komen data one FB, landing le poli posting woto sot selwi neho baon agu anak koe molas ngara mbaru hitu.
"Ngong hau pe, Sia. Toe teneng bot labar Hape. Toe bae nggo'o ga, rona ngo duat," jauk diha Kanis.
"Eng ta awon ga," wale diha Njiak agu lako pio paotn.
Nenggitu reme lakon hia Njiak, len meget diha Kanis.
"Iiii.. bom onen kat ceng kalin," agu gamek mu'un teti lime musi mai le'as diha Njiak.
Lelo meget hitu liha anak koe molas ngara mbaru. Mai taen, " ema di Njelik.. eme jago, onen."
"Asi onem hau Nata (ngasang de Anang koe molas hitu),".
"Kong pe, ina kambe cama ine wai gami," wale diha Nata.
"Cama ine wai bingi bangas" wale diha Kanis.
"Bo hau tai, nahe dumpu rona ata sot langu tuak," tambang diha Kanis.
"Mese naim, lelo le hau molas di'a ho'o Kanis ga," wale agu wuncaln hia Nata.
"Ta enu, kebakm. Eme cama neho danong meu, bae le hau awm, kerja de ine wai hitu, NGO WAE, TUK, TENENG. Toe HO'O GA, TOE TENENG TEMO LABAR FACEBOOK," wale diha Kanis, agu noangn kut denge le winan, ata reme diki dakang teneng hang sina dapur.
Penulis: Remigius Nahal.
Dukung Ami, kut nganceng mesen Blog ho'o, one kolom Komentar. Sangged pa'u tombo dise ase ka.e, na'a one nawas lami, cawi one nai.
Nuk repeng pede dise Ende, agu Mbate dise Ame, serong dise Empo.
Eme toe ite, ceing Kole. Eme Toe Ho'o, cepisa Kole.
Kepok.....
